قرآن سیکھنے کا بیان

1۔سیدنا ابو ہریرہ اور سیدنا ابی بن کعب رضی اللہ عنہما سے مروی ہے کہ آپ صلی اللہ علیہ وسلم نے فرمایا:

(( تَعَلَّمُوْا الْقُرْآنَ فَاقْرَأُوْہُ ) ) [1] (الحدیث،رواہ الترمذي والنسائي وابن ماجہ)

یعنی قرآن کو سیکھ کر پڑھو۔

2۔سیدنا ابو ہریرہ رضی اللہ عنہ سے مروی ایک دوسری حدیث کے الفاظ یہ ہیں:

(( تَعَلَّمُوْا الْفَرائِضَ وَالْقُرْآنَ،وَعَلِّمُوْہُ النَّاسَ فَإِنِّيْ مَقْبُوْضٌ ) ) [2] (رواہ الترمذي)

[فرائض (علمِ میراث) اور قرآن سیکھو اور وہ لوگوں کو سکھاؤ،کیونکہ میں فوت ہونے والا ہوں ]

3۔سیدنا انس بن مالک رضی اللہ عنہ سے مروی حدیث میں ہے کہ رسول اللہ صلی اللہ علیہ وسلم نے سیدنا ابی بن کعب سے کہا تھا:

(( إِنَّ اللّٰہَ یَأْمُرُنِيْ أَنْ أَقْرَأَ عَلَیْکَ الْقُرْآنَ ) )

[بلا شبہہ اللہ تعالیٰ مجھے یہ حکم دیتا ہے کہ میں تجھے قرآن پڑھ کر سناؤں ]

سیدنا ابی بن کعب رضی اللہ عنہ نے عرض کی:

''آللّٰہُ سَمَّانِيْ لَکَ؟''

[کیا اللہ تعالیٰ نے آپ کے لیے میرا نام لیا ہے؟]

آپ صلی اللہ علیہ وسلم نے فرمایا:

(( اَللّٰہُ سَمَّاکَ ) ) [3] [اللہ تعالیٰ ہی نے تمھارا نام لیا ہے] (أخرجہ البخاري)

[2] سنن الترمذي،رقم الحدیث (۲۰۹۱) اس کی سند میں''محمد بن القاسم الأسدي'' راوی سخت ضعیف ہے۔تفصیل کے لیے دیکھیں: إرواء الغلیل (۶/ ۱۰۳)

[3] صحیح البخاري،رقم الحدیث (۳۵۹۸)