يجب ألا تستهين بنوبات الصداع الذي له تأثير سلبي على سلوك الأفراد، حيث يؤكد الأخصائيين الاجتماعيين أن جرائم القتل الغير مخطط لها يرتكبها صاحبها نتيجة التوتر الناتج من الصداع، وان حوادث السير يزيد احتمال حدوثها إذا كان السائق يعاني من الصداع، ويضيفون إن الصداع يورث الخمول وعدم القدرة على الإنتاج والابتكار.
بقلم: رائد حسين محمود
و مع الفكاهة في سلسلة يوميات طلاب الطب
مبروك جالك طب
لولولولولولي مبروك يا أم لماضة والله وعرفتوا تعلموا وتكبروا اهي لماضة رفعت راسنا كلنا وبقت دكتوره اسم النبى حارسها
الله يخليكى يا خالتشى بس لسه بدرى اوى على الكلام ده أنا يدوب في بداية العتبه محصلتش السلالم وكل اللى معايا ماجيستير ثانويه عامه على ما تفرج ادعيلى بس ربنا يوفقني
روحى يا لماضة ربنا يكتب الشفا على ايدك
اول يوم في الجامعة
سندوتشات ايه اللى اخدها يا ماما ده أنا معملتهاش في المدرسه اعملها في الكليه احط بقى البالطو في الشنطه عشان ميتبهدلش لا أنا خايفه يتكسر أنا هعلقه على دراعى عشان الناس تعرف انى في طب ايه الهبل ده ما الصنايع برضه بيلبسوا بلاطى الدكتور مش بس بسرنجته الدكتور برعايته لعيانه ونبطشيته و الدكتره مش هز كتاف يلا استعنا على الشقى بالله عشانا عليك يارب سلام بقى ادعولى يدوب الحق الاتوبيس
ازيك يابت يا رحرح ايه يابت الشوال اللى على كتفك ده انتى دفعتى المصاريف و استلمتى الكتب ولا ايه ازيك يا دوده اتصرفتى في جثه ولا لسه ؟؟ انتي بت يا زرزر عملتى حسابى في السندوتشات بلاش سندوتشات البيض المسلوق من ايام المدرسه غيرى أنا مبحبهاش خلى طنط تعملى جبنه بيضا ربنا ما يقطعلك عاده
اش اش ايه يا عيال الالآجه اللى انتوا فيها دى انتوا لبستوا الحبل بحاله مش اللى عليه بس