عبد اللطيف اللي ما يوصف بالأجناس عساه يسلم من جميع الغرابيل

يا مرحبا به عد شمات الأنفاس واعداد ما بالكون صبح بثرليل

واعداد ما هل المطر فوق الأطعاس واعداد ما نبت على شاطىء النيل

بك الوفا والحكم يا شيخ والباس مبداك واضح ما يجي فيه تظليل

وفيك الشرف والكرم ما له قياس تعطي ليا شحت كرام الرجاجيل

لك موقف معروف يا طيب الساس فوق الجبال الشامخات المظاليل

يزبنك من رجاله من الوقت هوجاس ويزين جنابك يا زبون المشاكيل

جعل دربك ما يجي فيه الأتعاس وأنت ذرانا وعزنا بالمقابيل

وصلاة ربي عد ما هب نسناس على الذي بالحق درسه جبريل

القصيدةالرابعة:

تعيش يا شيخ الوفاء والجماله واعداك دوم في هوان متاعيب

عسي طريق الخير فاله ونزاله واللّه يقبل دعوة الخير ويجيب

واللّه يقبل دعوة اللي دعاله يعيش أبو منصور عريب المجاذيب

شيخ يقدر من نصاه وعناله ومن حسن طبعه يرد المواجيب

سمح المحيا والتواضع أخصاله ما ذكر فيه التكبر من الشيب للشيب

من زار بو منصور تذكر أفعاله تسمع ليا جيته كثير التراحيب

يا ما غمر من جاه بكرايم أسباله بزيارة ما دز عنها المناديب

وارخص عريب الخال غالي حلاله ويروى ملاهيف القلوب المتاعيب

واطلب من الباري جل جلاله يمد عمرة ويجعله عمر شعيب

القصيدة الخامسة:

مني تحية عدد ما تطلع الشمس وتغيب وعد السحاب اللي تراكم غيومه

تحية تحمل جزيل التراحيب أسفر قمرها واستهلت نجومه

في فعلكم يا هل الصخا والمواجيب يا للي بكم لربعكم وقفة وقومه

انتم وقفتوا موقف العز والطيب ونفوسكم فيها حنان ورحومه

ميقافكم ما فيه شك ولا ريب لا جاكم المحتاج يقضي لزومه

أنتم ذرانا من سموم اللواهيب تذرون عن برد الزمان وسمومه

أنتم اليادارات علينا الدواليب فكاكه اللي فيه ضاقت اهدومه

وأنتم ليا صكت علينا المغاليب فيكم صفات بالرجال معدومه

نشكر جهودكم يا مطوعين الأصاعيب عاش أبو منصور اللي قوية عزومه