محدن عليه يطوف العلم تطويف واعي لمستقبل وحاضر وطايف
والشيخ أبوخالد تلقاله مواقيف يصيب واللي منه منصاب خايف
وتمت صلاتي على الذي شرف الخلق تشريف على النبي المبعوث ما شاف شايف
القصيدة الثانية:
سر يا قلم وارسل سلامي بقرطاس وسطر علومي للرفيق الموالي
عبد اللطيف اللي للطيب نوماس قضاي للحاجات طير العلالي
عبد اللطيف اللي ما له مثيل بالأجناس حر تعلا فوق مجد المعاني
عبد اللطيف اللي ما مشى درب الأدناس شيخ ولد شيخ عريب جد وخالي
له موقف مع ربعه في يوم الأتعاس شيخ الشيوخ راعي عطايا اجزالي
ويا فرحة من جاه من الضيم محتاس يمناه غيث للعطايا اتهالي
مزبان من ضاقت به الأنفاس حلال للصعبات ويرقى العوالي
شيخ علومه طيبة وترفع الراس والمدح على غير المواجيب زوالي
شيخ طلع علمه تقل نبراس تخضع له روس الملازين الأفعالي
ويا للّه ترفع حظه ما كتب قرطاس وبجاه من فتحت له سبع العوالي
تحفظ لنا شيخنا يا رازق الناس وبجاه من لبى وصلى في عشر التوالي
وتجعل حياته عز وبدون هوجاس وبجاه ما حل بالبيت رحال وزوالي
يا للّه تكفيه سوبقعا والأنجاس من شر سود الليالي الهوالي
اللّه يا أبو منصور من قلب محتاس ويسبح بهمه ليالي طوالي
شكيت لك يا نديمي من الناس عساك تلقا حل للي جرالي
واسند لأبو خالد عريب الجد والساس القشعمي يوم الوغى حامي التوالي
عبد الرزاق اللي كنه على الوكر قرناس بحكمة وشجاعة شامخا فوق المعالي
وتمت صلاتي عدد رمل الأطعاس تغش المشفع يوم عرض الهوالي
القصيدة الثالثة:
بديت بسم اللي تنزه عن الناس جلا جلاله ربنا بأول القيل
اللي رفع سبعٍ وسبعٍ لها ساس أرسى سفينة نوح وأرسل أبابيل
سبحانه اللي خالق أشكال وأجناس عظيم شانه وما يوصف بتمثيل
وبعد الولي قربت حبر وقرطاس وأتعب على النادر وأعاف المهازيل
مشاعر من صادق الفكر وحساس مضمونها ترحيب حشمة وتجليل
ترحيب باللي علومه ترفع الرأس نورٍ تجلى وانجلى ما هو بتظليل