هذه الفكرة ممكنة وليست مستحيلة, هذه الفكرة ممكنة وليست مستحيلة بأدلة كثيرة جدًا جدًا جدًا, فبما إنك اقتنعت إن الفكرة أصلًا ممكنة وليست مستحيلة وإن فيه أدلة كثيرة جدًا جدًا بتقول بإمكان الحياة بعد الموت, فبالتالي لما المصدر الديني -اللي عليه أدلة وبراهين مستقلة؛ إن المصدر دا فعلًا موحى بيه من الله- والمصدر دا بيقولك فعلًا إن فيه حياة بعد الموت يبقى إنت تصدق وأنت مطمئن؛ بمعنى إن أنت عندك أدلة مستقلة على أن الله موجود وعندك أدلة مستقلة على إن القرآن الكريم كلام الله ومحفوظ من التحريف وإن سنة النبي محمد صلى الله عليه وسلم موحى بيها من الله ومحفوظة من التحريف -أو على الأقل المقصود بيها السنة اللي المسلمين بيعتمدوها على إنها صحيحة فعلًا صحيحة منسوبة للنبي- والنبي هذا فعلًا نبي من عند الله عز وجل, يبقى أنت عندك أدلة مستقلة على وجود الله وأدلة مستقلة على صحة الدين والدين بيخبرك بالحياة بعد الموت والحساب والثواب والعقاب, يبقى أنت لازم تصدق؛ بما إن عندك أدلة مستقلة على وجود الله وأدلة مستقلة على إن الدين موحى بيه من الله ومحفوظ من التحريف. وبعدين القرآن مش بس إنه بيخبرك؛ لأ بيقولك إن هذه العقيدة اللي أنت تؤمن بيها عقيدة ممكنة ومعقولة في ضوء الإيمان بوجود الله كويس, والقرآن الكريم بيضرب أمثلة كثيرة جدًا جدًا لإقناع الناس على إمكان البعث بعد الموت وإنهم هيقفوا بين يدي الله عز وجل للحساب والثواب والعقاب. فيه تقريبًا 6 أدلة مختلفة أو 6 حجج مختلفة لإقناع الشخص بإمكان الحياة بعد الموت اللي على أساسها تقدر تصدق كلام القرآن الكريم إنه بيخبر إن فيه حساب وثواب وعقاب:

-أول نقطة إن القرآن الكريم بيخبر كثيرًا جدًا بأنه حدث فيما مضى حالات إحياء بعد الموت؛ والمسألة دي مسألة خبرية وتحتاج إلى تحقيق في حد ذاتها. والنقطة دي النصارى بيبذلوا عليها مجهود ضخم جدًا جدًا جدًا؛ لأن عقيدتهم قائمة على مدى إمكانية إثبات قيامة المسيح من الأموات تاريخيًا من عدمه, لكن احنا مش بنتكلم على مسألة هل احنا نستطيع أن نثبت تاريخيًا إن