فقوة هذه العقيدة لا تدل على صحتها -ودا مبدأ احنا متفقين عليه- مش كون إن الفكرة قوية ومش كون إن الفكرة مؤثرة في حد ذاتها دا دليل إنه صحيح أو باطل لأن زي ما قلنا المرة اللي فاتت مش عشان الدين له فوائد أو الإيمان بالله واليوم الآخر له فوائد يبقى الإنسان اخترع هذه الفكرة من أجل فوائدها؛ فبالتالي فوائد الفكرة أو قوة الفكرة أو مدى تأثيرها على حياة الإنسان دا أمر مستقل عن الفكرة دي صحيحة فعلًا ولا لأ.

فيه بقى سؤالين ممكن يتسألوا في هذا الموضوع دا:

-السؤال الأول: هل هناك دليل على إمكان الحياة بعد الموت؟.

-وفيه سؤال ثاني: هل هناك دليل علمي على الحياة بعد الموت؟.

فيه فرق كبير جدًا بين الإثنين؛ لما بنخرج خارج حيز العلموية (الـ Scientism) ؛ المنهج الفكري اللي بيقول: (إن العلم التجريبي هو المصدر الوحيد الصحيح للمعرفة) , لما نخرج خارج هذه الأيدولوجيا ونحول السؤال من هل هناك دليل علمي على الحياة بعد الموت إلى هل هناك دليل على إمكان الحياة بعد الموت؟ ثم هل هناك دليل على إن دا هيحدث فعلًا؟ , زي ما قلت قبل كدا موضوع الحياة بعد الموت والحساب والثواب والعقاب والكلام دا كله, دا أمر مرتبط في البداية بالإيمان بوجود إله ابتداءً, ثم الإيمان بأن هذا الإله أنزل دينًا علّم فيه إن فيه حساب وثواب وعقاب وعلى أي أساس هيحاسب العباد, لو فيه أدلة على وجود الله وفيه أدلة على إن الدين اللي بيعلّم الكلام دا دين فعلًا من عند الله عز وجل لم يحرّف؛ فبالتالي نستطيع أن نصدق بكل طمأنينة وبكل أريحية إن الكلام دا حقيقي؛ لكن خلي بالك الإسلام بيتميز في النقطة دي بـ ايه؟ الإسلام بيتميز مش فقط بالإخبار بأن فيه يوم قيامة وإن فيه بعث وفيه حساب وثواب وعقاب, لأ القرآن بيقنع الناس اللي بيقولوا بشكل عقلاني ومنطقي إن