بسم الله الرحمن الرحيم

السلام عليكم ورحمة الله وبركاته.

فيديو جديد هنتكلم فيه على ردود وتعليقات على أفكار الملحدين لكن في البداية أتمنى أن أنت تشترك في القناة، اضغط على الزر الأحمر واضغط على علامة الجرس عشان تجيلك كل الإشعارات بكل الحلقات الجديدة.

حابب أتكلم أكثر على موضوع هروح فين بعد الموت؟ ومين اللي هيحاسب الظالم والقاتل؟ والكلام دا.

الفكرة اللي أنا عايز أقدمها النهاردة هي أن القرآن الكريم أو الإسلام بشكل عام هو الدين الوحيد اللي بيقدم أدلة وبراهين كثيرة جدًا جدًا على موضوع إمكانية البعث والحياة بعد الموت. كان فيه فيلم تسجيلي عامله الملحد البريطاني المشهور -اللي هو مشهور أن هو أشهر ملحد على وجه الأرض- كان عامل فيديو عن إزاي تعيش من غير دين والكلام دا كله -أو فيلم تسجيلي عن إزاي تعيش من غير دين والكلام دا- فكان فيه فيديو من الفيديوهات بتاعته بيتكلم فيها عن فكرة الحياة بعد الموت؛ وفكرة الحياة بعد الموت المقصود بيها إن فيه إله هيقيم الموتى وهيبعثهم يوم القيامة وهيحاسبهم وفيه جنة ونار, دا المقصود بالحياة بعد الموت, وهو اعترف بأن فكرة الحياة بعد الموت دي أقوى فكرة ممكن يعتنقها الإنسان وبتعود عليه بفوائد كثيرة جدًا جدًا؛ إما بتعود عليه بفوائد متعلقة بالالتزام بالأوامر والانتهاء عن النواهي, أو بتقدمله تعزية كبيرة جدًا جدًا بحيث إن هو زي ما القرآن الكريم بيقول: لا خوف عليهم ولا هم يحزنون؛ إن هو مش خايف من الموت بيجعل الشخص مطمئن من القادم ولا يحزن على أي شيء فاته في الماضي؛ لكن هذا الملحد المشهور بيقول بغض النظر عن قوة هذه العقيدة