أنطلوجيًا ومعرفيًا, بس احنا مش هنسميه الإله احنا هنسميه أعظم ما يمكنك تصوره اللي هو الإله بس مش هنسميه الإله!) , الله المستعان.

آخر حاجة هتكلم عنها لما هذا الملحد بيقول: (يعني كدا الإنسان اللي معندوش دين ممكن يعمل أي حاجة براحته؟) , هو بيقول ايه: (غلط) , ليه غلط؟ الإنسان اللي معندوش دين -الإنسان اللي معندوش إيمان بالله واليوم الآخر- ما هو الرادع له إنه ما يعمل أي حاجة غلط؟ ايه هو الرادع لأي إنسان -أمن العقوبة- إنه يعمل أي حاجة غلط؟.

فيه نقطة في غاية الأهمية لما الفلاسفة المؤمنين بيتكلموا على موضوع الأخلاق بيقولوا ايه: (هل أنت لازم تكون مؤمن بالله لتكون شخص جيد وعندك أخلاق؟ مش بالضرورة) , ليه؟ لأن الأخلاق والقيم الأخلاقية الموضوعية مفطورة بداخلك سواء آمنت بالله أو لم تؤمن فهي بداخلك فأنت تستطيع حتى بدون الإيمان بالله أن تكون شخصًا خلوقًا حسن الأخلاق؛ لكن ايه تبريرك الأنطولوجي بوجود هذه النزعة الأخلاقية فيك -بدون الله-؟ لا يمكن أن تكون جيدًا بدون الله, بدون وجود الإله -اللي هو مصدر القيم الأخلاقية الموضوعية- لا يمكن أن تكون حسنًا فكرة الـ Good والـ bad والخير والشر والكلام دا, ليس له وجود بعيدًا عن وجود الله؛ لابد أن يكون الله موجودًا عشان يبقى فيه قيم أخلاقية موضوعية, لكن أنت مش لازم تؤمن بوجوده عشان تبقى شخص عندك أخلاق.

نيجي بقى نسأل سؤال تاني: الناس اللي ارتكبوا أفظع جرائم على وجه الأرض كانوا مؤمنين بوجود إله وحساب وثواب وعقاب ولا لأ؟ ولا كانوا مؤمنين بالمبادئ الداروينية المادية الإلحادية؟ الواقع إن احنا لما نشوف أدولف هتلر وجوزيف ستالين وغيرهم وابن المجنونة بتاع كوريا الشمالية -