الكون مش أزلي لا عقلًا ولا علمًا. هل الكون خلق نفسه؟ المفروض منطقيًا لو قلنا إن قبل نشأة الكون, الكون كان عدمًا بكل ما فيه من قوانين فيزيائية من مادة من طاقة, كله كان عدمًا -ودا مفروض واللي أنا تعجبت لما وجدت بعض التعليقات للأسف الشديد ناس مش متخيلة إن نظرية الانفجار العظيم بيقول بأن بداية الكون مفيش لا مادة ولا طاقة ولا مكان ولا زمان وكل هذا ظهر من العدم-, دا الانفجار العظيم بيقول كدا, فبالتالي هل الكون خلق نفسه؟ إزاي الكون هيخلق نفسه وهو ما كان موجود من الأول؛ دي مغالطة منطقية. يبقى أكيد فيه خالق للكون, طيب الخالق دا بنعرف صفاته منين؟ من دراسة الكون نفسه وبنشوف مدى ضبط وربط وإحكام وإتقان الكون, من الضوابط الفيزيائية, ضبط فلكي ضبط الأرض نفسه لنشأة الحياة, وبعدين دراسة نشأة الحياة نفسها؛ المعلومات الجينية وتعقيد الخلية والوظائف الحيوية, ونشأة الإنسان نفسه والخصائص اللي بيتصف بيها الإنسان وهكذا؛ كل هذا قطعًا ولا شك.

نشأة الكون نفسه لا يمكن أن يكون فيه وجود لو ما كان فيه إله؛ لأن الوجود حادث عقلًا وعلمًا فلابد له من محدث -سبب أول ليس له بداية- فيبقى نشأة الكون دليل قطعي على وجود إله, ونشأة الحياة دليل قطعي على وجود إله؛ لأن المعلومات دليل قطعي على وجود كائن عليم هو الذي وضع هذه المعلومات في الكائنات الحية, ومدى تعقيد الخلية دليل قطعي على أنه لا يمكن تكون مجرد صدفة, وإن الوظائف الحيوية المعجزة دليل قطعي إن الإله هو الذي خلق هذه الخلية بهذه الكيفية وجعلها قادرة على ممارسة هذه الوظائف الحيوية؛ فبالتالي كون إن أنت بتتعامى عن كل دا وتقول الإجابة هتبقى أعظم من كدا بكثير! الفلاسفة قالوا في تعريف الإله -من هو الإله؟ - (أعظم كائن يمكنك تصوره) ؛ فبالتالي لو هو بيقول الإجابة أعظم من ذلك بكثير, لا يوجد أعظم من الإله ايه السفه اللي أنت فيه دا! , يعني أنت كأنك بتقول الإجابة هتبقى: (الإله اللي هو أعظم ما يمكنك تصوره