فبالتالي الدين جاء عشان يسد هذا الفراغ المعرفي عند الناس عشان خاطر يبقى فيه حَكَم أعلى على كل البشرية, البشرية كلها تستسلم لها ولا تقع في انشقاقات ومشاكل وخلافات عشان تقرر ايه اللي يمشي وايه اللي ما يمشي وايه الصح وايه الغلط وهكذا.

بنيجي نسأل سؤال بقى في السريع هل وجود هذه الفوائد للدين -خصوصًا الدين الإسلامي- يجعل الدين الإسلامي اختراع بشري عشان الفوائد دي؟ كون إن الإنسان يشعر بداخله بنوع من أنواع النقص والاشتياق إلى شيء معين, ثم يأتي شيء ويملأ هذا الفراغ ويسد هذا الاحتياج لا يعني أن هذا الشيء وهم أو اختراع أو خرافة. والمثال اللي دايمًا أغلب الفلاسفة بيضربوه إن عطش الإنسان يدل بالضرورة على وجود الماء, ووجود الماء في الخارج ليس وهمًا بيسد الإنسان بيها حاجته للشرب. وفكرة إن أنت تقول آه الدين له فوائد فاخترعها الإنسان عشان يسد هذه الاحتياجات بالفوائد اللي الدين بيأتي بيها! دا استدلال دائري باطل بتفترض فيه دايمًا من الأساس إن الدين كدا كدا باطل فبالتالي له فوائد أهو بيسد احتياجاته الإنسان اخترع هذه الأمور عشان يسد بيها احتياجاته, ليها أضرار؟! (لا, مش .. ) ؛ يعني أنت كدا كدا أيًا كان حال الدين أنت بتفترض إنه باطل وخلاص؛ لكن القضية مستقلة اللي هي أنهي قضية؟ قضية إن الدين دا صحيح وحق ولا خطأ وباطل أمر مستقل عن إن الدين فعلًا له فوائد للإنسان, فبالتالي امتى يكون الدين دا اختراع بشري؟ لما أهله فعلًا يزعموا دا؛ فبالتالي زي ما قلنا إن أغلب الأديان اللي بيعتنقها الإنسان بتدعي أصلًا إن هي فلسفة وحكمة بشرية. طيب الأديان بقى الإبراهيمية أو الأديان السماوية امتى يثبت فعلًا أنها باطل وخطأ واختراع بشري؟ أولًا لو مفيش إله؛ لأن لو مفيش إله يبقى أكيد مفيش إله أنزل أديان, لأن الأديان الإبراهيمية أو الأديان السماوية بتفترض في الأصل وجود إله هو الذي أنزل هذا الدين وأمر الناس باعتناق هذا الدين كويس, يبقى لو مفيش إله