الأرض عشان يعيشوا عليها, أنزل ليهم الأديان عشان يعلمهم هو أنشأهم ليه, فبالتالي فيه أديان بتقر أنها بشرية وفيها أديان لا تقر أنها بشرية.

فيه نقطة بقى مهمة: هل الأديان مفيدة للإنسان؟ هل الإيمان بالله واليوم الآخر وعقيدة اليوم الآخر اللي هو البعث بعد الموت والوقوف بين يدي الإله للحساب ثم ثواب أو عقاب إما جنة أبدية وإما نار أبدية هل الفكرة دي وهل الفلسفة دي مفيدة للإنسان؟ ايوه قطعًا ولا شك قولًا واحدًا؛ مفيدة ليه للإنسان لأنها في البداية بتعلم الإنسان بغاية وجوده على الأرض -اللي احنا قلنا إن العلم لا يمكن أبدًا أبدًا إنه يصل إليه-, وفكرة العلموية اللي الشخص الملحد دا بيحاول يروج لها؛ اللي عبارة عن إن أي شيء العلم ما اكتشفه أكيد هيكتشفه فيما بعد -مهما كان وفي أي مجال-, وإن العلم كأنه هو المصدر الوحيد الموثوق اللي نقدر ناخد منه إجابات ومعلومات, فبالتالي العلم لسه ما وصل لإجابة لكن هيوصل إن شاء الله أي إجابة بيوفرها العلم هي الإجابة الصحيحة, أي إجابة خارج ميدان العلم دي إجابات ما ليها فايده وأوهام وخرافات وأساطير وكذا فالعلم هو المصدر الوحيد الموثوق للعلم!؛ ودا كلام باطل لأن هذه الفكرة أصلًا فكرة إن العلم هو المصدر الوحيد للمعرفة هل العلم بيقدر يبرهن على دا؟ ما بيقدر يبرهن عليه, دي فلسفة دي فكرة بشرية إن عندنا مصادر للمعلومات أو مصادر للمعرفة مختلفة, العلم هو المصدر الوحيد الموثوق ايه الدليل العلمي على كدا؟ لا يوجد دليل علمي دي فكرة أنت مقتنع بيها دي أيديولوجيا.

بنرجع مرة تانية ونقول هل الدين له فائدة للإنسان آه ليه فائدة للإنسان, في البداية الدين بيعلم هو ليه موجود على هذه الأرض, وإن العلم لا يستطيع أبدًا أنه يقول ايه هي غاية الإنسان على الأرض. احنا قلنا في الفيديو اللي فات إنه ممكن العلم يساعد أنه يدلل للإنسان إنه واضح إن وجوده مش صدفة وإنه واضح إن وجوده على الأرض معد له مسبقًا فبالتالي غالبًا وجوده على الأرض له هدف وله غاية؛