السلام عليكم ورحمه الله وبركاته

هنكمل تعليقات وردود على الفيديو الخاص بـ (قصة الأديان) ؛ لكن قبل ما نبدأ أنت غالبًا مش مشترك في القناة 70% من المشاهدين مش مشتركين في القناة أرجو إن أنت تضغط على الزر الأحمر وتضغط على علامة الجرس عشان تجيلك كل الإشعارات بكل حلقاتنا الجديدة.

بنرجع تاني لموضوع (إن الدين فكرة بشرية عملها لتفسير الكون حوله وإن الآلهة لم تخلق البشر ولكن البشر هم من خلقوا الآلهة؛ لإيجاد إجابة لأسئلتهم) , طبعًا النقطة بتاعت هل الدين اختراع بشري؟

في البداية أنا حابب أقول إن فيه أديان أصلًا بتقر بأنها اختراع بشري ودي الغالبية العظمى من أديان الأرض ما بتعتقد إن دينها موحى بيه من الله وإن دا حق مبين الإله أعلنوا؛ أغلب الفلسفات الوضعية -أغلب الديانات الوضعية- اللي هي عدد كبير جدًا من البشر بيعتنقوه مقرّين أصلًا بأن دينهم دا اختراع بشري مش إعلان إلهي من السماء, ودي نقطة يعني الملحد دا دايمًا بينتقد الأديان كلها وهو ما بيفرق أو بيتعامى عن إن فيه فروقات عظيمة جدًا وكبيرة جدًا ما بين الأديان السماوية بشكل عام وباقي الديانات الأخرى؛ لأن أغلب الأديان الأخرى قابلة أصلًا اللي أنت بتقوله وغالبًا ما بتقول اللي أنت بتفترضه يعني فكرة الحساب والثواب والعقاب زي ما قلنا أديان كتيرة ما بتقلهاش فكرة أصلًا إن هما بيعتقدوا إن دينهم نتاج فلسفة بشرية وحكمة بشرية وكذا, فبالتالي آه دا اختراع بشري ايه المشكلة. لكن الأديان الأخرى الأديان السماوية اللي بتعتقد بوجود إله وإن الإله ضبط الكون من أجل نشأة الإنسان وإن نشأة الإنسان على الأرض له هدف وغاية فبالتالي الإله أنزل الأديان لهؤلاء البشر اللي أعدّ ليهم