تاسمي م ءيفرگان ءيني فر اوي ءيد
ءيزوكي د زرزور د ءيريگيور ارا تند
تمسيسا د تملحسن د ؤكيضور اوي ءيد
اراو ن ؤبلحنا تسمونت كولو ءيگضاض
افولوس ن وامان د لعايشت اوي تند
لكثرا د لفرفار د ءيروگي زايد تند
تامورغي د وابيبا د فرططو وين د ييض
ؤلا اغيول اد ن وازار زايتن غ لعاداد
لحبار ءيخاتارن ن لودبات اوي تند
افولوس د بيبي والا يا راو ن لوزاز
لعنق د ؤحبار د نعام ار جماع تنيد
ؤلا ازوض د ؤكوك د ءيزان امري س كراض
اداس والان ءيزان ءيمكتارن تاويد
ءيزان ملعونين غير زايتن غ لعاداد
مقار د اوطوف ءيسكرن ءيفر ن لجديد
ؤلا ساف ؤلا بوعميرا ساول تاويد
اراو ن لعقعاق ان زايد ؤلا گينوز
ؤلا سمايون نتان د لهدهود اوي ءيد
تيزوا ؤلا عاد سول ويرزان امزغوب
نتان د فايفرو غير زايتن غ لعاداد
ؤلا لاريوس زريز زايتن غ لعاداد
ؤلا اگضيض اد ن طاوس ايلي غ لعاداد