ؤلا لموحرامات يات غ طرف ن تاياض
ءيويد ف زكا د لعشور ءيصرصا لحساب
ؤلا بن عاشير ءيمضل شرح ؤلا لجهاد
ؤلا بن لاصيل لكتاب نس ءيلا يوجاد
منصر قندي .. كولشي ءيلا غ لكوتوب
اماغن لماشاييخ ف لحاق ايليغ ءيبيد
اجاخش ؤر ءيسين اميا ف الباري د لواحيد
اتالوحت نورات س لخط ءيگان رمز
اوالي ؤر ءيتاران مقزابو ءيسان رمز
اواخاي تنت ؤفان ؤر گيسنت ءيسين لمقصود
اما ءيخلق ءيلاهي زوارنتن غ لعاداد
غ بنادم ؤلا ليحوش د لجن والا دغييد
ءيگيدر والاي ءيغيور د لبيزان اوي ءيد
ءيگان تافرنا فرنت اويد لحساب
تيرابگر اريغ اتن زورغ اويد لعاداد
ؤلا اسوو د ؤعاقاي د ؤلزويز اوي تند
اراو ن ؤكايا سرسات فلاسن لحساب
أي ءيفليليس نتان د شرقراق اوي ءيد
تيميلي د شور نس ان صرصو لحساب
ءيبيبض والا ياووك د ؤسكور اوي تند
ؤلا اگضيض ءيسيگيلن ايتماس ار د ييض
ار اقران سحاق ءيغراس گماس اياعقوب