أيوه مربوطة بسياسات.. لكن أنت بتحط على عاتقي حاجات في الناحية العسكرية ما كانتش محل..
أحمد منصور:
في الاتفاقات التي وقعت، إذا الإسرائيليين يضعون قيمة كبيرة لجثث قتلاهم، احنا كمصريين مش عاملين أي قيمة للمصريين!!
د. مصطفي خليل:
لا.. لا.. مش هذه هي المقارنة.. طبعا أنت عارف أنه طبقا للمعتقدات اليهودية، .. الست اللي زوجها بيموت ما تقدرش لا بد فيه أثر من آثار الجثمان بتاعته، ليتأكدوا أن ده توفي.. ده وضع تاني.. مش وضع إن أنا في يوم من الأيام باقول إن مصر.. بالعكس مصر لما مرت في الحروب بتاعتها وشرف كبير جدا للعسكرية المصرية، كانت حروب نظيفة طول تاريخ مصر ما حصلشي أن مصر أطلقت -على الإطلاق- أي نوع من الـTerrorism [إرهاب] ضد إسرائيل، ما حصلش..
أحمد منصور [مقاطعا] :
مش Terrorism طالما فيه احتلال مش Terrorism
د. مصطفي خليل:
لا.. حتى وقت وجود الاحتلال بتاع سينا، ما كانش فيه أبدا.. كان فيه طلعات بيقوم بيها أفراد قوات مسلحة، مش جماعات إرهابية زي ما بنشوف.
أحمد منصور:
الإرهابية دي مصطلح جديد بدأنا نعرفه الآن، لكن وقتها كانوا فدائيين كانو مجاهدين كانوا أبطال، في كل العرف العربي، Terrorism دي بدأت إرهابيين بدأت بعد اتفاقيات السلام التي وقعت.. قبلها كان كل واحد بيقوم بعمليات ضد إسرائيل كان بطل، وكان فدائي..
د. مصطفي خليل:
فيه فرق كبير جدا بين إن احنا نعمل عمليات لها تأثير عسكري، وفيه فرق بين جماعات بتدعي لروحها الحق إنها تروح وتعمل الكلام ده، بدون ما تستشير السلطات الموجودة في أي دولة، هل حصل من الجانب السوري أي نوع من الإرهاب على الإسرائيليين حتى في الجولان؟
أحمد منصور:
لما يقوموا بأي عملية ما يبقاش إرهاب؟
د. مصطفي خليل:
فيه أي عملية حصلت؟
أحمد منصور: