أحمد منصور [مقاطعًا] : ولذلك حماة دائمًا هي اللي بتنتفض في الأول.

أحمد أبو صالح: صح، أبرز الضباط اللي يعني أسماؤهم متداولة على الصعيد السياسي من حماة، وقت تيجي تقول عبد الحميد السراج مثلًا حموي، شوف عبد الغني قنوط حموي، مصطفى حمدون مثلًا حموي وهلُمَّ جرًّا، فيه كثيرين يعني هذا نعسان ذكار اللي قلت لك يعني إله علاقة بكذا وكذا وآخرين عبد الرحمن سلامة، هادول كلهم من حماة، يعني فيه نسبة كبيرة من الضباط الحموية بالجيش، وفيه أسباب أيضًا إنه حماة بلد مو غني، حماة ما بأقول بلد فقير، بس مو غني، يعني بحيث إنه يكبروا على دخول الكليات العسكرية، فكانوا كثيرين من الحمويين يدخلوا الكليات العسكرية باعتبار حماة مدينة طبعًا أصغر من دمشق وحلب وحمص وغيرها..

أحمد منصور [مقاطعًا] : حتى طبيعة الحمويين أثناء الاحتلال الفرنسي كانوا الحمويين أكثر ناس بيطلعوا يواجهوا الفرنسيين..

أحمد أبو صالح: طبعًا..

أحمد منصور: في الانتفاضة اللي حصلت في 64 كانوا الحمويين..

أحمد أبو صالح: بس مو الضباط.. الشعب..

أحمد منصور: الشعب..

أحمد أبو صالح: الشعب نفسه أيوه صحيح..

أحمد منصور: أقصد الشعب مش الضباط.

أحمد أبو صالح: أيه الشعب.. الشعب..

أحمد منصور: أنا بأقصد الشعب الحموي..

أحمد أبو صالح: الحمويين هم اللي انتصروا على فرنسا في حين محافظات أخرى كر وفر، لكن بحماة هم اللي طلعوا الفرنساويين فعلًا.

أحمد منصور: نعم، كمِّل لي، قلت لي الحمويين..