بها، وله كلام جيد وافق فيه الحق فعلينا أن نقبله، دا كلام العلماء، طيب خلي بالك كده: إيه رأيك لو قلت لك دي الوقت: سيد قطب جدد الإسلام في قلوب الشباب؟
لو أنا قلت اللفظة دي، لو محمد حسان [يعني نفسه] قال اللفظة دي؟ حا تجي ثاني يوم مش على موقع بقى كده، لا، على كل المواقع: محمد حسان المبتدع الضال بيقول: سيد قطب جدد الإسلام في قلوب الشباب، طيب .. إيه رأيك أن الكلمة اللي أنا قلتها دي كلمة شيخنا وإمامنا وعالم العصر ومحدث الزمان وبركة الأيام الألباني؟ تصدق دي؟ جبت لك الكتاب بأصله عشان ما تقوليش الشيخ بيجيب الكلام ده من إين؟ كتاب: (حياة الألباني) للشيخ محمد الشيباني، جزأين، اسمع بس عشان تشوف الألباني ..
يقدر حدِّ من دول يفتح بؤه يقول الشيخ الألباني مبتدع؟ يقدر؟ ما يقدرش. (حياة الألباني وآثاره وثناء العلماء عليه) تصنيف محمد بن إبراهيم الشيباني، الجزء الأول، صفحة كم يا مولانا؟ حاضر، عشان أقول لكم الكلام اللي بنقولوا دا يا اخوانا مش كلامنا احنَ، كلام أهل العلم اللي احنا اتربينا على ايديهم، بس الحمد لله يعني الواحد مش محتاج يتسلق ويقول: أنا درست عند الشيخ الألباني كم شهر، وعند الشيخ ابن باز كم شهر. ما بحبش المسألة دي، يا أخي إخلاصك وعلمك يزكيك، إذا ما كانش في إخلاص وعلم والله ما حا يزكيك أحد، بل الله يزكي من يشاء)
[ثم نقل الشيخ محمد حسان حفظه الله كلام الإمام الألباني في هذه المذكرة وسيأتي إن شاء الله]
ثم قال الشيخ محمد حسان:
(ولما قلت لإخوانا واحنا في أمريكا، وهي الجلسة دي اللي قلَّبت علي المواجع، مش حفصَّل، لما قلت لهم واحنا في أمريكا: يا جماعة، يا مشايخنا، الكلام اللي إنتو بتقولوه ده، ده كلام مشايخنا؟! ده كلام الشيخ ناصر؟ [يقصد الألباني] ده كلام الشيخ عبد العزيز؟ ده مش كلامهم يا جماعة والشيخ أبو إسحاق مازال حيًا يرزق، والشيخ محمد صفوت رحمه الله، وكنا جالسين كلنا، قلت لهم يا جماعة ده مش كلام علمائنا، يا جماعة راجعوا فتاوى اللجنة الدائمة، يا جماعة راجعوا كلام الشيخ ناصر، واسمعوا شريط الشيخ ناصر رحمه الله اللي اتكلم فيه عن سيد قطب واللي اتكلم فيه عن الجماعات واللي اتكلم فيه عن سفر وسلمان وغيرهم، اسمعوه، ده كلام علمائنا غير كده، غير اللي إنتو بتقولوه، ما حدش سبقكم للتأصيل ده) .