شعر: باب القلعة
ما زال ذكرك بيننا مسك وعطور ... ولو غاب ذكرك لا حشا ... والله أنساك
غالي ... وتبقى رمز بالبال محفور ... قدام عيني ... بسمتك في محياك
باذن الولي في قبرك اليوم مسرور ... مع الحواري تهتني والله أرضاك
عقبك كأني بين الأقفاص مأسور ... ويزيد ... حزني ... يا ... تذكرت ... ذكراك
لحظات أحس أني من الهم مقهور ... حسدت حتى اللي بالاجداث واراك
يا راحلٍ عنا .. عسى الذنب مغفور ... وعساك بالفردوس والراحم أرضاك
أنا غريب وغربتي ما لها شهور ... من يوم قالوا ... عظم الله بلواك
غربه ... وكربه آه والقلب مشطور ... يوم ... الخيانة ... حبلها ... ما ... تعداك
فرحت عساكرهم بقتلك على الجور ... من جهلهم ظنوا ... نهايات مبداك
حسره عليهم ... عيشة الظلم والزور ... صارت رواتبهم على شوفة اخطاك
مازال ... حبك ... ينتظر (منبر النور) ... عند الإله الملتقى ... الموعد هناك
هذا أنا عايش عسى يلحق الدور! ... واموت مثلك ... وانتظر كل ما جاك
ما دامني في تالي العمر مقبور ... يارب انا ودي شهادة ... مع ارضاك
ويابو وصايف لك سلامي مع الحور ... هذي بيوتي قلتها ... حين ذكراك