خليتهن يتركن كل الموديلات،،،،، واشكالهن كأن بهن الف عله
نسيتهن الموضّه ولبسّ الماركات،،،،، حتى وهن بالسوق يطقطقنه
أغراضهن تشرينها بنصف ساعات،،،،، تخاف من البرودكاست لايفوتنه
اشغلتهن وخليتهن بس جالسات،،،،، واشغالهن بالبيت ما يكملنه
احوآلهن مشروحة بالتوبيكات،،،،، حزن فرح اي شي بيكتبنه
القصيدة الرابعة (مجهولة القائل) :
يا الواتس أپ أقول بالحيل مشكور،،،،، فيك التواصل بين الاحباب ميزه
عن الجماعه ناخذ سنين وشهور،،،،، ومعك نواصلهم بفتره وجيزه
احباب وأصحاب ورفاقه وجمهور،،،،، ولا خسرنا في المواصيل بيزه
القصيدة الخامسة (مجهولة القائل) :
منول (ن) لاجيت هلا ورحّب،،،،، في مجلسٍ كلّه صداقات وأقراب
تعال جنبي فحز فلان قرّب،،،، عطنا علومك قل لنا شعر وآداب
شرّق بنا في كل فنٍ وغرّب،،،،، عطنا علوم السيل وعن فيضة جراب
وشي علوم عقيل واللي مغرّب،،،،، وعن السياسة قل لنا ويش الأسباب
هذي علومٍ لا ذكرناه يطرب،،،،، في مجلسٍ مافيه حاسد وكذاب
يصدق عليه القول رجلٍ معزّب،،،،، ماكد تعذّر مجلسه يوم (ن) أو غاب
واليوم أشوف فلان طبعه مخرّب،،،،، ماهو على كاره تحفي وترحاب
قلت السبب ياناس كلٍ تعجب،،،،، قالوا رفيقك بالمراسيل منصاب
في خدمة يحمل مسماه وتس أب،،،،، ضاعت سواليف المعزب ولاتاب
الخدمة الي أعلنت حالة الحرب،،،،، وخلّت عيال الوالدة صم وأغراب
هذي مجالسنا يقوله مجرب،،،،، ندفع على قطع الوصل مال وأتعاب