الفصل التاسع: الشعر بالواتس أب
القصيدة الأولى (مجهولة القائل) :
سلّم عَلىَ الواتس أب مدنق الروس،،،،، ليا حضر ما فيه أحد يتكلم
خلا مجالسنا بلا هرج ودروس،،،،، مثل العزا ماغير ناقف نسلم
كلن جهازه بين أياديه ويحوس،،،،، أحدن جديد العرف واحدن معلم ... اللي يقول بخير والشر محيوس،،،،، واللي شياطينه منه تعلم
هذا زمانن يشترا الذنب بفلوس،،،،، بلمسة الاصبع يجيك وتسلم
ما قول كل الناس والخير ميوؤس،،،،، أقول يارب المخاليق سلم
القصيدة الثانية (مجهولة القائل) :
قصيدة زوجة رافضة بتاتا بأن يكون لزوجها واتس أب من غيرتها الشديدة عليه فقالت:
والله وأنا بنت الرجال المشاكيل،،،،، ما تحط الواتس اب ياعبيد عندي
ماني مثل باقي الحريم المهابيل،،،،، رجالها لآراح مرواح جدي
نوكيا ماعذرب كثير الرياجيل،،،،، ألو تكفي كان تبغى مردي
ماتنفع الموضه وكثر الأقاويل،،،،، وش فادة الموضه جدك وجدي
ياعبيد ذي والله سوات المهابيل،،،،، وان مانفع قولي طلاقي بيدي
والله وانا بنت الرجال المشاكيل،،،،، ماتشغل الواتس اب ياعبيد عندي
رد الزوج:
والله وانا عبيد راعي المعاميل،،،،، لانزل الواتس اب وانتي بحدي
ماهمني وان قيل عنا مهابيل،،،،، هذا تطور وانتي يابنت هدي
نوكيا ماضي وأبل طور الجيل،،،،، امشي مع الايفون كأني افندي
دايم يونسني مع تالي الليل،،،،، وقصر علي صوته وجيبه لخدي
لاصرت جالس والبشر دمها ثقيل،،،،، عودت للي يوم ما صار ضدي
اضحك معه ويجر عندي مواويل،،،،، ويوصل الاخبار لحد عندي
تطوري وادخلي مع تالي الجيل،،،،، وخلي السوالف لا تزيد التحدي
القصيدة الثالثة (مجهولة القائل) : قصيدة عجوز في بناتها والواتس اب
يالواتس ياللي هبلت بالبنيات،،،،، خليتهن يسهرن الليل كله