يروجوا لفكرة إن دا نوع من أنواع الـ Child Abuse) انتهاك حقوق الأطفال (-بغض النظر عن إن الإلحاد بيعطي أي حق لحد أصلًا أو بيعطي معنى القيمة أو الحق, ما علينا-؛ لكن الفكرة كلها أن لما أنا أستغل براءة ابني وإني أخده معايا المسجد -وأنا على فكرة ابني عنده سنتين ونص, مش أربع سنين- وباخده معايا المسجد عشان يتعلم الصلاة وأنا كنت بفكر في النقطة دي قبل التصوير وأنا مش حابب أصطنع شعور معين؛ لكن الفكرة كلها إن مهما أنت حاولت إن أنت تربي ابنك على دين أو عقيدة معينة -مهما كانت- لو ابنك أو بنتك مش مقتنعين من داخلهم بصحة ما هم عليه فمهما فعلت في الصغر دا مش ضمان أو مش شيء يؤكد إن هما هيموتوا على العقيدة اللي أنت ربيتهم عليها, ودي نقطة في غاية الأهمية, فبالتالي أنا ساعات باخد ابني الصلاة وهو مش بيبقى عايز يصلي, هو طفل صغير مش فاهم لسه يعني ايه صلاة ومش فاهم لسه يعني ايه إيمان بالله ومش فاهم يعني ايه واجبات وفروض وأصلًا هو لسه مش مكلف؛ لكن أنا بحب إن هو ييجي معايا الصلاة في بعض الأحيان بيبقى حابب يلعب فبيجي يقولي: يا بابا الصلاة وحشه, ليه الصلاه وحشه؟ لأن هو حابب يلعب وقتها, فبفكر طبعًا هو طفل صغير وأنا عارف إن كلمة(الصلاة وحشه) مش معناها أي