• وفيه كتاب تاني في غاية الأهمية [Fitness Of The Cosmos For Life] = الكون مضبوط للحياة.

• وفيه عنوان تاني اللي هو الـ [Fine Tuning Of The Universe] = الكون مضبوط ضبط دقيق.

• وفيه كتاب تاني اسمه [The Anthropic Principle - Man As The Focal Point Of Nature] = إن الكون مضبوط في النهاية عشان نوصل للإنسان.

طيب في النهاية لو العلم قدر من خلال حدوث الكون وضبط الكون, وضبط الكون دا على أي مستوى -في السريع- يعني ايه الكون مضبوط من أجل نشأة الإنسان ونشأة الحياة على الأرض؟ يعني الحياة عشان تنشأ على الأرض لازم فيه حاجات كتيرة جدًا جدًا تتحقق (Balanced on a knife edge) = على حد سكين, دي عبارات قالها ناس لا دينين زي بول ديفيز لا أدري لا ديني. حاجات كتيرة جدًا لازم تتحقق من بداية نشأة الكون, القيم الفيزيائية الأولية زي قيمة الجاذبية والنووية القوية والنووية الضعيفة والكهرومغناطيسية وسرعة تمدد الكون وغيرها من القيم الأولية الفيزيائية لازم تكون مضبوطة عشان ينشأ كون أصلًا -سواء فيه حياة ولا ما فيه- طيب وعشان ينشأ حياة على كوكب معين لازم ضبط على مستوى فلكي؛ من ناحية المجرة وعلاقتها بالمجرات الأخرى, من ناحية مكان المجموعة الشمسية في المجرة, من ناحية خصائص المجموعة الشمسية, من ناحية خصائص هذا الكوكب في المجموعة الشمسية وخصائص داخلية في الكوكب, كل دا عشان ايه في النهاية؟ عشان إنسان ينشأ على الأرض, ثم ينشأ الإنسان وهو يشعر بالضرورة من نفسه إنه مميز وعنده النزعة الغائية؛ أنه دايمًا بيسأل ليه ليه ليه ليه, العلم بيساعدنا إن احنا نعرف ايه؟ العلم بيساعدنا إن احنا نعرف إن الكون حادث فأكيد فيه سبب لحدوثه, هذا السبب ممكن يكون إله ممكن يكون كائن عنده إرادة أوجد الكون وأحكمه وأتقنه وضبطه من أجل نشأة الإنسان, العلم بيقول: إن الـ (Cosmos is fine tuned for life) , العلم بيقول: إن فيه حاجة اسمها الـ (Anthropic Cosmological Principle) , العلم بيتكلم عن (The fitness of the cosmos for life) العلم بيتكلم عن (Rare earth) , بيتكلم عن (The