الكون مخلوق عشانك, الكون مش مخلوق عشانك دا موجود قبل منك وهيفضل موجود بعد منك إلى ما لا نهاية", إلى ما لا نهاية؟!! ايه الهبل دا! , مين من العلماء بيقول إن الكون هيفضل في المستقبل إلى ما لا نهاية؟! موت الكون كله حتمي, موت الكون حتمي سيزول تمامًا زي ما كان لا شيء في البداية هيكون لا شيء في النهاية والكلام دا قاله كبار العلماء: منهم ستيفن هوكنز نفسه الملحد؛ فبالتالي أنت يعني تصوراتك العلمية ضعيفة جدًا وعايز تحسس الناس إن أنت فاهم. طيب هنا العلماء بيقدروا أولًا يقولوا هل حجم الكون دا لاشيء بيساعد في الـ Visibility وله علاقة بال .... حاجات كتير تفاصيل؛ عشان الحياة تنشأ على الأرض وعشان نقدر نكتشف الكون كان لازم الكون يكون كبير كدا وقديم كدا (Why such an old universe?) الكون قبل منك بـ 13.7 مليار سنة, آه ليه هو قديم كدا مكنش ينفع كون من 6 آلاف سنة مثلًا ليه هو قديم؟ وليه هو كبير؟ مش عبث؛ القضية أن دا مش عبث دا إحكام وإتقان من أجل نشأة الحياة على الأرض, ومن أجل إن الكائنات تنشأ على الأرض تكون قادرة على اكتشاف الأشياء الخارجة عن كوكبهم فيروا في الكون إتقان وإحكام وضبط فيدركوا إن يبقى أكيد احنا مش موجودين هنا عبثًا؛ لأن الكون كأنه مخلوق علشانا كأن الكون مضبوط عشان احنا نيجي ودي حاجة اسمها الـ Anthropic Cosmological Principle دا علم يعني ايه؟ يعني كأن الـ Cosmos علشان الـ Anthropic = الكون من أجل الإنسان, فهو هنا بيقول الكون سبب في وجودك مش أنت السبب في وجود الكون, العلاقة السببية دي نبقى نتناقش فيها بعدين؛ هل وجودنا على الأرض علاقة سببية حتمية -بغض النظر- يعني ممكن دا يكون كلام كبير شوية؛ لكن الفكرة كلها إن لازم عشان احنا نكون موجودين على الأرض لازم يكون الكون كان موجود قبلنا, لكن دي مش بالضرورة علاقة سببية, الكون مضبوط علشان احنا نيجي يبقى دا بيدل على غائية إن الإنسان مُخطط لوجوده من قبل وجوده؛ لأن الكون من البداية مضبوط من أجل ظهوره."

• الـ [Anthropic Cosmological Principle] .