السلام عليكم ورحمة الله وبركاته

سنكمل رد على الأفكار الموجودة في فيديو (قصة الأديان) لكن في البداية حابب إن أنت تشترك في القناة أنت غالبًا مش مشترك؛ 70% من المشاهدين مش مشتركين في القناة, اضغط على الزر الأحمر واضغط على علامة الجرس عشان تجيلك كل الإشعارات الجديدة بحلقاتنا القادمة.

الحاجات اللي هنتكلم عليها في هذا الفيديو حاجات في غاية الأهمية أتمنى التركيز.

هنا الملحد بيقول:"الدين فكرة كائن بشري عملها لتفسير الكون حوله, الآلهة لم تخلق البشر؛ ولكن البشر هم من خلقوا الآلهة لإيجاد إجابة لأسئلتهم هروح فين بعد ما أموت نفس المكان اللي كنت فيه قبل ما تتولد مش هتكون موجود؛ كباقي الكائنات حولك, أنت عايز تحس إنك مميز قلة علمك بحجم الكون مخلياك تصدق إن الكون مخلوق عشانك, الكون مش موجود عشانك, كان موجود قبلك وحيستمر بعدك إلى ما لا نهاية, الكون سبب في وجودك مش أنت السبب في وجود الكون. طيب كيف جاء الكون؟ لا أحد يعرف؛ لكن العلم يقترب كل يوم من الإجابة وفي يوم هنعرف؛ لكن الإجابة مش هتكون الدين, مش هتكون معجزة, مش هتكون الآلهة, الإجابة هتكون أعظم من ذلك بكثير".

اللي احنا بنتكلم فيه الوقتي في هذا الفيديو بنتكلم عن إجابة الأسئلة الوجودية اللي كل البشر بيسألوها: من أين جئنا؟ ولماذا نحن هنا؟ وإلى أين نذهب؟ , الشعر المشهور جدًا لإيليا أبو ماضي:"جئت لا أعلم من أين؛ ولكني أتيت أبصرت قدامي طريقًا فمشيت ..." (مش عارف ايه) , اللي هو اللا أدرية احنا موجودين أنا معرفش جيت منين ولا أعرف موجود ليه ولا أعرف هأروح فين بعد ما أموت. النقطه المهمة هي: إن احنا عندنا أسئلة وجودية من أين جئنا ولماذا نحن هنا وإلى أين نذهب بعد الموت, وبنتكلم عن إن فيه أكثر من مصدر للمعرفة,