يعني ايه كلمة (وعي) ؟ , في الإلحاد المادي يعني ايه كلمة (وعي) ؟!. الشخص دا في آخر الفيديو بيقول ايه -واحنا هنرجع للنقطة دي تاني يمكن في فيديو تاني-, بيقول:"تفسير الكون هو أي شيء يعارض قوانين الفيزياء والطبيعة هو شيء غير موجود وغير حقيقي, كل ما هو موجود وحقيقي يمكن تفسيره طبقًا لقوانين يمكن دراستها: سواء كان هذا الشيء كيفية نشأة الحياة, أو كيف جاءت الخلية الأولى, أي شيء تجهله هو ببساطة شيء تجهله", لو هو بيقول إن أي شيء حقيقي وموجود يمكن تفسيره طبقًا لـ (قوانين يمكن دراستها) , وحتة إن أي شيء يعارض قوانين الفيزياء والطبيعة هو شيء غير موجود وغير حقيقي؛ طيب هل هو ما بيسلّم بوجود أشياء لا يمكن دراستها من ناحية قوانين الفيزياء وقوانين الطبيعة, بل إن ليس لها قوانين أصلًا؟! دي نقطة في غاية الأهمية حاجات مثلًا زي تقييم الجمال, زي تقييم الموسيقى والفنون المختلفة, زي مثلًا تقييم مشاعر الحب والكره والبغض, ولماذا هذه المشاعر تبدأ أصلًا في الإنسان والإنسان بيشعر بيها, أشياء كلها معنوية نفسية ملهاش أي علاقة بقوانين الفيزياء والطبيعة, وتقييمها ملهاش أي علاقة بقوانين يمكن دراستها؛ دي مسائل زوقية نفسية معنوية.

طيب فيه نقطة تانية لما هو بيتكلم عن من بداية الوعي البشري فيه كدا كذا كلمة هقولهم الوقتي وبعدين عايزين نطرح سؤال في غاية البساطة: هل هذه الأشياء يجب أن -أو يمكن- تكون موجودة في ظل التصور الإلحادي المادي الصَرْف؟ يعني (الوعي) , يعني ايه (وعي) ؟ وإزاي المادة تبقى واعية؟ يعني ايه وإزاي؟ وهل نظرية داروين أصلًا بتفسر الوعي؟ طيب القيمة وإحساس الإنسان بأن أشياء لها قيمة وأشياء ليست لها قيمة, إحساس الإنسان من أن هو له قيمة أهم من أي حاجة تانية -في ظل التصور المادي- منين القيمة للأشياء؟. قدرة الإنسان أصلًا على الفهم وقدرة الإنسان أصلًا على إدراك الأشياء وفهمها واستيعابها, قدرة الإنسان أصلًا على اكتشاف قوانين الطبيعة, قدرة الإنسان على فهم هذه القوانين والعمل على أساسها, إزاي وفقًا للإلحاد المادي, المبادئ العقلية الأولية والتفكير الإنساني