بسم الله الرحمن الرحيم

السلام عليكم ورحمة الله وبركاته, هنكمل رد على الأفكار الموجودة في فيديو (قصة الأديان) لكن قبل ما نكمل أنت غالبًا مش مشترك في القناة اضغط على الزر الأحمر واضغط على علامة الجرس عشان تجيلك كل الإشعارات بكل حلقاتنا الجديدة.

في البداية حابب أقول إن لو كان عند صاحب الفيديو نية حقيقية في إنه يوصّل للناس معلومة صحيحة, ولو كان هدفه فعلًا إن الناس تفكر في الحق والباطل ويختاروا الموقف الصحيح حبًا لهم في اختيار الحق وإن هما ما يعيشوا في وهم والكلام دا كله؛ ما كان عمل فيديو قصير 8 دقائق وقعد يدّش فيه تقريبًا كل المواضيع اللي ممكن الإنسان يتكلم فيها في موضوع الإيمان والإلحاد تقريبًا!؛ يعني اتكلم عن نشأة الكون, واتكلم عن أصل الإنسان, واتكلم عن نشأة الأديان, واتكلم عن مشكلة الأخلاق, واتكلم عن يوم الحساب, واتكلم عن إجابة الأسئلة الوجودية, كل دا في 8 دقائق!. عايزك تعرف تاريخ الأحياء وتاريخ الأديان وتاريخ الكون وكل دا في 8 دقائق! عايز يوصلّك كل هذه المفاهيم؛ فدا طبعًا بيخلينا نعمل أكثر من فيديو لمناقشة هذه المواضيع لأنها مواضيع مهمة فعلًا وتستحق إن هي يُفرد لها بعض المساحة من التفكير.

النهارده هنتكلم عن كلامه عن نشأة الأديان وهحكيلك قصة دينك وقعد يسرد شوية كلام. قال:"من بداية وعي الكائن البشري بدأ يهتم بالأشياء الغريبة ويقدسها", هنا أنا عندي سؤال في غاية الأهمية -طبعًا أنا مدرك تمامًا إن القصة اللي هو بيحكيها عن الأديان وتاريخ الأديان ونشأة الأديان متعلقة بعقيدته؛ بنشأة الإنسان اللي هي مبنية على أساس نظرية التطور (نظرية داروين) - لكن فيه نقطة في غاية الأهمية لو هو فعلًا شخص حابب للناس إن هي تفكر, لما بيقول:"من بداية وعي الكائن البشري"؛