أرشيف المقالات

- بصي يا بنتي فيه أحاديث في البخاري كدة عقلي مش متقبلها..
تبقى أكيد غلط مش منطقية.
وبعدين الإسلام دين العقل، يبقى أي حديث نشغل مخنا لو معناه مش مقبول بالعقل والمنطق كدة يبقى نرده.

- بأنهي عقل يا حجة؟ عقلي ولا عقلك، ولا عقل واحد ضال أو كافر، ولا عقل جاهل ولا عقل أينشتاين، ولا عقل مين؟! كدة تبقى فوضى يا حجة..

القرآن والحديث الصحيح هما الهدى، والعقل اللي يعارضهم هو الهوى..
قال تعالى: {فَمَاذَا بَعْدَ الْحَقِّ إِلَّا الضَّلَالُ} [يونس من الآية:32].
وقال تعالى: {وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَىٰ .
فَإِنَّ الْجَنَّةَ هِيَ الْمَأْوَىٰ} [النازعات:40-41].

احفظي معايا الجملة دي، رحم الله قائلها ورده للحق:
"العقل الصريح هو الذي لا يخالف النقل الصحيح (قرآن وسنة)، بل يشهد له ويؤيده لأن المصدر واحد، فالذي خلق العقل هو الذي أرسل إليه النقل، ومن المحال أن يرسل له ما يفسده".

ملحوظة يا حجة:
اللي يرد آية من القرآن بعقله يبقى خلاص ساب الإسلام، بقة دا إنت مش هتقبلي ابنك يقول على كلامك مش منطقي ولا برده بعقله..
كلام الله نرده بالعقل؟!

والحديث الصحيح ده اتبذل فيه جهد وعلم نفيس جدًا عشان يتقال "صحيح"، يقوم أي حد معدي يرده ويقول بالعقل؟ ده بالعقل العلمي الصريح الحديث صحيح، وبالمنطق والعقل بتاع العلماء اللي فاهمين الدين الحديث صحيح، ومعناه واضح وعلينا السمع والطاعة لله ورسوله..
‫البخاري كله صحيح.