فريد عبد الخالق [متابعًا] : والله لأ أنا اعتبر دي طبيعة الأشياء، في فرق حاجة اسمها طبيعة الأشياء حاكمة، يعني سبحان الله أصل لازم أنا أؤمن بإن الأمور في الأخر يعني خلق فهدى أو خلق فسوى أو خلق فهدى فربنا سبحانه وتعالى بيُعد الناس ودي حكمة- الله - هو سيدنا موسى وأخوه هارون كَلِفوا إنه يبلغ .. أرسله إلى فرعون عشان يقوله إيه التوحيد وإيه الله وإيه أنت ويغيره كان سيدنا .. فرعون بيقول:"أرسل مع أخي فهو أفصح مني لسانا".
أحمد منصور [مقاطعًا] : أستاذ فريد أنا مش عايز دروس أنا عايز تفسير أحداث تاريخ.
فريد عبد الخالق [متابعًا] : ما هو تاريخ أُمْال، دي قواعد أصل أنا مبتكلمش دي مش أحداث كدة ..
أحمد منصور [مقاطعًا] : أنا بتكلم عن الإخوان هنا.
فريد عبد الخالق [متابعًا] : ما هي الإخوان ليست إلا يعني، دي طبيعة .. دي قانون يعني سائد في كل وقت تاريخ وبالنسبة لكل عمل.
أحمد منصور: طب أنا لاحظت حاجة في المراجع المختلفة، يعني مثلًا صلاح شادي قال إن:"الإمام البنا أوصى أن يكون البهي الخولي مرشدًا عامًا للإخوان المسلمين مرشدًا عامًا للإخوان وصلاح شادي مرشدًا خاصًا للإخوان"، ده الباقوري ذاكر ده في مذكراته ولكن رُفِض هذا.
فريد عبد الخالق: أنا ..
هل كان هناك نظامان سريان داخل جماعة الإخوان؟
أحمد منصور [مقاطعًا] : أول مرة تسمع هذا الاقتراح، لأن صلاح شادي كان مسؤول الوحدات والوحدات كانت الجهاز العسكري الذي يعمل في الجيش وكان عبد الرحمن السندي يرأس النظام الخاص وهنا الباقوري بيقول إن:"كان فيه نظامين سريين في الجماعة، النظام اللي بيقوده صلاح شادي والنظام اللي بيقوده عبد الرحمن السندي."
فريد عبد الخالق [مقاطعًا] : اللي هي قسم الوحدات.