أحمد جبريل: طيب ما إحنا ليش ما حصنوا نفسهم يعني هل لقلة إمكاناتهم يعني فطُرح موضوع وقف إطلاق النار وتمت المناقشة قلنا لهم إحنا يعني لما بدنا نوقف إطلاق النار بينا وبين العدو الإسرائيلي شو نبرر وجودنا في لبنان إحنا بدون وقف إطلاق النار قسم من ها الناس السيئين بالعمل الفدائي.. عم بيتلهوا في شوارع الحمراء وفي جمهورية الفكهاني وإلى آخره طب إذا وقف إطلاق النار ها القواعد اللي موجودة في الجنوب يقولوا لك ليش إحنا بدنا نأكل ونشرب وننام فمن حيث المبدأ إحنا وجدنا أن مثل هذا المنحى خطير للغاية إنه أنت تعمل وقف إطلاق النار وقف عمليات القشرة يعني على الحد الإسرائيلي حتى يعني الكوماندوز وقف كل أنواع القصف المتبادل كل هذا الشيء فإحنا حقيقة اعترضنا بها الموضوع هذا وأتخذ عرفات القرار وإحنا رفضناه وحكى وكان عرفات جمع القيادة الفلسطينية والقيادة اللبنانية وقال لهم إحنا بدنا نعمل وقف وهذا ميزته أن لأول مرة أن إسرائيل تعترف بنا والأمم المتحدة تعترف بنا يعني بتصور أنت هذا هو المكسب الكبير في يعني في ها الشأن هذا حتى في بعض الناس اعترضوا يعني فكان جمعهم أبو عمار عنده وعم يتناقش إنه لا نوقف ما نوقف وإلى آخره ها الأشياء بالأخير بعد جلسة حامية هم وافقوا وإحنا بقينا معترضين باقي الناس وافقوا مع أبو عمار..

أحمد منصور: الأمر لم يقف عند حد الاعتراض ولكن ربما وصل إلى الاقتتال بينكم وبينهم.