أحمد جبريل: طبعا أثناء المعركة ما كنت أنا أقول أنه الجبهة الشعبية للقيادة العامة كنت أجيب اللبنانيين منشان والله تحت راية لبنانية المرابطون، الاتحاد الاشتراكي منير صياد وهلا يمكن بكره بيسمعوا أنه هم اللي دخلوا وهم اللي فاتوا وهم كذا حتى إبراهيم (كلمة غير مسموعة) والمرابطون هلا بيحتفلوا بمعركة الـ (Holiday In) وإلى أخره بها الأشياء.
أحمد منصور: الكل بيقول معركتنا.
أحمد جبريل: عم بقولك يعني هذا اللي حصل هذا بصدق يعني.
أحمد منصور: وهنشوف كلامك هيثير ردود فعل كثيرة.
أحمد جبريل: عم بقول لك يعني هذا أنا بحكيها والله مو بفخر يعني عارف كيف ولا مجبر وكنا بألم وفقدنا كوادر وشباب يعزوا علينا يعني من خيرة المقاتلين يعني، طب ماذا بدي أفعل يعني هذا هو الخلاص رجعناهم إلى ساحة الشهداء, رحت عند الأستاذ كمال جمبلاط على بيته واستقبلني استقبال رحب قلت له يا أستاذ كمال هي إحنا كانوا القوى الانعزالية في الكمبارة على بوابة الحمرة بعد عشرين خمسة وعشرين هاي رجعناهم إلى ساحة الشهداء.
أحمد منصور: مسافة قد أية كم كيلو تقريبا؟
أحمد جبريل: هذه مدينة ما بتقدر تقول أنت بالأمتار يعني عارف كيف شوارع كبيرة وضخمة وإلى أخره.
أحمد منصور: قلب بيروت يعتبر.
أحمد جبريل: قلب بيروت، قلت له أنا جاي لعندك وهاي منطقة غنية وإحنا سكرنا كل الشوارع بالبوابات بالألغام، أنت زعيم الحركة والأحزاب الوطنية أتفضل استلم هذه المنطقة بتعرفوا مين أصحابها ها الأموال لمين منشانها وصدقا حتى هذه الساعة ما فيه هناك يعني أنا بحكي لك.
أحمد منصور: تفتكر التاريخ بالضبط؟
أحمد جبريل: أنا برأيي لو تسأل أستاذ وليد جمبلاط لأنه..