أحمد جبريل: عم بحكي لك عم بقول لك يعني أما بالخليج حيث نشأة الإخوان في فتح والسعودية كان النشاط السياسي مسموح يعني لما أنت بتطبع مجلة فلسطين في الجزائر وتوزعها أما إحنا إذا طبعنا منشور ورميناه في الشارع أنت عم تكشف نفسك إلى أجهزة الأمن عارف كيف وتشكل خطورة على هذا الموضوع، إحنا كنا نقول بدنا نأكل عنب مش بدنا لسه لم يئن الأوان لأن نكشف هذا الموضوع لكن كان لدينا ميزة ما موجودة عند الإخوان في فتح..

أحمد منصور: ما هي؟

أحمد جبريل: ميزة إنه إحنا في أرض مجاورة اللي هيا خطينا خطوات في الكفاح المسلح في تشكيل هذه الكوادر المجموعات المدربين السلاح العتاد هذا اللي قاعدين في الكويت هدول كلهم أصدقائي وبعرفهم معرفة شخصية عارف كيف وصار بيناتنا مثل ما بيقولوا خبز وملح مع هدول الناس، هدول قاعدين في الكويت ماذا يفعلوا؟ كانوا ينادوا ويبشروا في الكفاح المسلح ولكن بقي عمل نظري أما إحنا كنا مثل ما هلا أحكي كنا عم نحكي كل تهمة إذا بدهم يخدوها قانونيا نُحاكَّم عليها حمل سلاح أو اقتناء سلاح نحاكم عليه سنوات نوضع في السجن فلذلك الهاجس الأمني كان عندنا هاجس كبير للغاية ما هو بسيط.

أحمد منصور: إنتوا في الفترة من 1959 إلى 1965 وأنتم كانت مرحلة إعداد ألم تكن هذه الفترة ست سنوات من الإعداد من التدريب في الوقت الذي كان فيه الآخرون تقريبا ست سنوات من التمهيد ومن الدعاية الإعلامية ومن اللقاءات ألم تكن هذه الفترة فترة طويلة؟

أحمد جبريل: أولا إحنا كنا بنتصورها إنه لسه لازلنا بحاجة لأنه إحنا بدينا شكّلنا في ذاك الوقت يعني بمنتصف يعني قبل الـ1965 شكلنا الهيئة الاستشارية فيه قيادة فيه قادة مجموعات فيه تنظيم هرمي كامل منتشر في سوريا نقلناه للضفة الغربية في وحدات معينة إلى لبنان لغزة اللي حكيت لك فايز الترك وبعض الإخوان.