العقلية الذهنية -لأ أنا مجرد حيوان-, قدراتك الفسيولوجية الجسدية -لأ أنا مجرد حيوان-, أنت متفوق على كل الحيوانات الأخرى على كل المستويات ومع ذلك إنت عايز تختزل نفسك لمجرد حيوان مشكلة كبيرة!!. الإنسان بيفهم يعني ايه خير بشكل مجرد مطلق وبيفهم يعني ايه شر بشكل مجرد مطلق, بيفهم يعني ايه عدل بشكل مجرد مطلق بيفهم يعني ايه ظلم بشكل مجرد مطلق؛ ما له علاقة بمشاعر, فكون أن أنت تختزل الظلم والعدل والخير والشر لمجرد مشاعر وهرمونات بتمشي في عقلك مش قوانين بيمشي عليها الكون؛ ايوه مين قالك إن هي قوانين بيمشي عليها الكون؟ , هي مش قوانين بيمشي عليها الكون هي قوانين ربنا أودعها فيك أنت عندك نزعة أخلاقية إن أنت تعمل وفقها وبتشعر أن أنت أصبت شيء صحيح لما بتعمل وفقها, وبتشعر إن أنت عملت شيء غلط لما ما بتعمل وفقها.

طيب لما أنت بتقول: (مفيش حد هيحاسب الظالم والقاتل, الموت هو عقاب) , مفهوم العقوبة -أنت بتخلي الموت كعقوبة- دا ايه؟ دا مش تمني زائف؟! , فكرة العقوبة وفكرة الثواب دي أفكار ميتافيزيقية متعلقة بقيم؛ القيم ما لها وجود أنطولوجي إلا بوجود الله عز وجل, دا كلام كبير, الملحدين ما بيفهموه أو ما عايزين يشغلوا عقولهم عشان يفهموه. المفروض يقول: (إن مفيش حد -نقطة وخلاص-) , ما يقول: (إن الموت هو عقاب كافي لكل كائن حي) !! وايه ذنب الناس اللي كدا كدا بتموت وهي ما ظلمت حد؟؟ بتتعاقب كدا كدا كل الناس هتتعاقب؟ الموت مش عقاب؛ الناس اللي بتنتحر ما بتفكر في الموت على إنه عقاب؛ بتفكر في الموت على إنه راحة, ناس كتير جدًا جدًا لما بينخلعوا من مفهوم الإيمان بالله واليوم الآخر مع معاناة هذه الدنيا والآلام والمآسي اللي احنا بنعيشها الموت وقتها -مش بيكون عقاب- الموت وقتها بيكون نجاة وراحة من كل المآسي اللي أنا بعيشها في هذه الدنيا, كون أن أنت بتتغافل عن دا -دا في حد ذاته- من ضمن الأرطسة اللي أنت بتأرطس بيها مشاهدينك.