بسم الله الرحمن الرحيم

السلام عليكم ورحمة الله وبركاته.

هنكمل ردود وتعليقات على فيديو (قصة الأديان) ؛ لكن قبل ما نكمل أنت غالبًا مش مشترك في القناة 70% من المشاهدين مش مشتركين في القناة, أرجو إن أنت تضغط على الزر الأحمر للاشتراك في القناة وتضغط على علامة الجرس عشان تجيلك كل الإشعارات بالحلقات الجديدة.

فيه نوع من أنواع البجاحة اللي بيمارسها هذا الملحد -اللي حتى ريتشارد دوكنز نفسه بطّل يمارسها, أو ما بيمارسها- فكرة الإجابات القطعية! لأ المفروض تحترم نفسك وتحترم عقلك وتحترم محدودية تفكيرك وما تجزم بإجابات يعني ايه, يعني هو بيقول: (كيف جاء الكون لا أحد يعرف لكن العلم كل يوم بيقترب من الإجابة) , طيب دا إيمان بالغيب ما علينا ,وبعدين: (في يوم هنعرف) -برضو إيمان بالغيب-, (ولكن لن تكون الإجابة الدين لن تكون معجزة لن تكون آلهة أو الله أو آلاف الآلهة الأخرى, الإجابة ستكون أعظم من ذلك بكثير) ! , إنت عرفت منين؟ اطّلعت على الغيب؟! , المفروض إن أي شخص يسمع هذا الكلام من هذا الملحد يقوله احترم نفسك واحترم عقلك واحترم مشاهدينك واحترم عقولهم؛ لإن أنت بتجزم بإجابات أنت ما عندك السلطان إن أنت تقول بيها, منين عرفت إن العلم هيعرف ولا ما هيعرف؟ ومنين عرفت كمان ماهية الإجابة -إن احنا هنعرف لكن الإجابة ما هتكون كذا-؟!. فكرة إن أنت تعمي عقلك عن category معينة من الإجابات دا بالضبط زي أعمى يقود عميان ولا راعي بيقود خراف ولا اللي هو أنتوا ماشين ورا واحد بيقودكوا في طريق معين وغير مسموح لكم إن أنتوا تفكروا في اتجاهات أخرى!؛ الإجابة مش هتكون الدين, الإجابة مش هتكون معجزة, الإجابة مش هتكون الآلهة, الإجابة ستكون أعظم من ذلك بكثير.