التفاصيل اللي أنت بتقول عليها:"الصلاة الزرادشتية 5 مرات, ووضوء وتشهّد", 5 مرات وضوء وتشهد! طيب دوّر كدا على النت على صفة الصلاة الزرادشتية, دوّر كدا على النت عن الوضوء في الزرادشتية, دوّر كدا على النت عن اللي أنت بتدّعيه تشهّد في الزرادشتية وحاول تجيب أي وجه شبه ما بينها وبين الإسلام! يعني كون إن هم شبه الإسلام في إن هما عندهم 5 صلوات -ودا أمر مش مجمع عليه عند علماء الأديان- يبقى خلاص الإسلام خد فكرة الـ 5 صلوات من الزرادشتية؟! طيب أنا بتنزّل معاك وبقول: إن دا ممكن يكون من بقايا حق عند الزرادشتية من أصل وحي من الله؛ لكن أصلًا كون إن المسلمين استقروا على خمس صلوات في اليوم والليلة -كفرائض واجبة- الأمر دا مكنش من بداية الإسلام, وله قصة معروفة والإسراء والمعراج متوثّق عند المسلمين ليه احنا بنصلي خمس صلوات في اليوم والليلة, ملهاش أي علاقة لا بمسيحية ولا بيهودية ولا بزرادشتية ولا أي ديانة على وجه الأرض تانية.

ياريت الناس خصوصًا الملحدين واللادينيين حاولوا تفكروا شوية مش بس مع أطروحات المؤمنين أصحاب الأديان لكن مع أطروحات الناس اللي بيملوا دماغكم كذب وتخريف. أنا عايز أختم الفيديو بنقطة معينة القصة اللي أنا بحكيها عن نشأة الأديان في التصور الإسلامي مختلفة تمامًا عن نشأة الأديان أو قصة الأديان في التصور الإلحادي