السلام عليكم ورحمة الله وبركاته.

هنكمل رد على الأفكار الموجودة في فيديو (قصة الأديان) لكن قبل ما نكمل أنت غالبًا مش مشترك في القناة اضغط على الزر الأحمر واضغط على علامة الجرس عشان تجيلك كل الإشعارات بكل حلقاتنا الجديدة.

التصور الإسلامي لنشأة الأديان أولًا فكرة الفطرة التي فطر الله الناس عليها؛ إن الإنسان أصلًا بطبعه فيه النزعة الدينية (النزعة الغائية) , النزعة اللي هو يدرك في ذاته أن هو لم يأتي بنفسه إلى الوجود -هو يدرك هذا بداهة-, فبيبتدي يسأل من أين جئت ولماذا أنا هنا وإلى أين أذهب بعد الموت, وبيعيش طول حياته لا يستطيع أن ينفك عن البحث على إجابات لهذه الأسئلة, والإلحاد ببساطة هو أسهل إجابة ممكنة اللي هي إجابة ليس لها أي مسئوليات وبتخلي الإنسان إذا أراد أنه يبرطع في الدنيا دي زي ما هو عايز ويعيشها بالطول والعرض؛ لأن مفيش إله جابنا ولا فيه غاية من وجودنا ولا فيه حد هيحاسبنا بعد موتنا فخلاص؛ لكن الإجابة الدينية هي الإجابة -إجابة الإسلام أو على الأقل الأديان السماوية- اللي بتقول إن فيه إله خلقنا وأوجدنا على الأرض وإن احنا مكلفين بوحي لازم نطيع كل ما أمره الله عز وجل -نطيع الله عز وجل في كل ما أمره وننتهي عن كل ما نهى عنه وزجر-؛ فكرة التكليف وإن أنت يوم القيامة ستحاسب, فبالتالي أثقل إجابة على