والمسيحية والإسلام, وغير الزرادشتية, وغير ديانات مصر القديمة مش كلها طبعًا, وبعض قدماء العرب -دول 6 أديان بعينهم من أصول اللي أنت مسميهم 4000 دين-؛ الغالبية العظمى من أديان الأرض لا تقول ببعث بعد الموت ولا بحساب وثواب وعقاب, كويس أوي, يبقى بالتالي مين من الأديان المشهورة اللي بيقول بكدا؟ اليهودية والمسيحية والإسلام هما اللي الأديان الحالية, ديانات مصر القديمة ما عادت موجودة, يبقى أنت معندكش غير في الأديان الحالية اليهودية والمسيحية والإسلام ودول كلهم تحت باب الأديان السماوية, طيب باقي الأديان كلها الموجودة على سطح الأرض؟ ما بقى فيه غير الزرادشتية هي اللي بتقول ببعث بعد الموت وحساب وثواب وعقاب, كل الأديان التانية بتتكلم في تناسخ أرواح وتسلسلات معينة ومش عارف مين وحاجات كدا عجيبة كلها داخلة في إطار إن مفيش إله بيحاسبك ومفيش يعني فكرة إن المطيع جزاؤه جنة خالد فيها أبدًا وإن العاصي جزاؤه نار خالد فيها أبدًا, مفيش الكلام دا في كل الأديان التانية.

هنا بيقول بنظرة لهذه الدائرة تكتشف إن فيه شيء خطأ, ايه الخطأ؟ لو قلنا إن فيه دين بيقول إن هو الدين الوحيد الحق, وإن له طقوسه وعباداته ونظام تشريع وكذا وكذا, وإن المطيع هيدخل الجنة وإن العاصي هيدخل النار, ايه الخطأ منطقيًا