• طيب فيه جزء تاني بيقول إن كلها لها طقوسها بغض النظر عن إن فكرة الأديان قائمة على العبادة.

لكن فيه أديان كثيرة جدًا جدًا يعني البوذية مثلًا, البوذية أتباعها بالملايين والبوذية قائمة على الإلحاد؛ البوذية لا تقول بوجود آلهة ولا تقول أصلًا بوجود عبادات؛ في أصل الفكرة بغض النظر إن هما بيعبدوا بوذا أو بيقدسوه, لكن هل بوذا دا هو الإله المعبود بالفكرة التقليدية للإله؟. ففكرة وجود الطقوس دي أي حاجة ممكن تبقى طقس؛ لو أنت ملحد ولك تصرفات معينة مخالفة للتصرفات اللي المسلمين مثلًا بيعملوها, واللي المسيحيين مثلًا بيعملوها, لكن كل الملحدين بيعملوا كدا, طيب ممكن يتقال إن دي طقوس إلحادية؛ إن أنت وفقًا لإيمان معين وعقيدة معينة بتتصرف بشكل معين مش لازم تكون بتسجد وبتركع وبتتلو وبتعبد؛ لكن أنت بتعمل حاجات معينة في حياتك بشكل عام كل الملحدين بيعملوا بنفس الطريقة أو وفقًا لنفس الأصول يبقى دي طقوس الإلحاد. لما بيقول بقى أن الـ 4000 دين, هو بيقول إن الـ 4000 دين دول كلهم بيتفقوا في ايه؟