أبو حازم خالد علي حاج رحمه الله
اعذروني فاض همي ... واشتكى قلبي وناح
اعذروني لا تلوموني ... بياض ... الشيب ... لاح
شاب قلبي والليالي ... هيضت مني الجراح
عقب فرقا راس مالي ... عقب ميدان السلاح
عقب فرقا راس مالي ... صرت مكسور الجناح
عقب خلان الشدايد ... عطرهم بالمسك فاح
عقب ... مازانت ليالي ... وارتوينا ... بالقراح
ياطيور الوقت نوحي ... لا ... تغني ... بارتياح
ضاقت الدنيا ومالي ... في ... موارياها ... مراح
ضاقت الدنيا ودار ال ... ذل ... مافيها ... انشراح
اعذروني ... يا ... رفاقة ... يوم فاضت بي هموم
اعذروني ... لا ... تلوموا ... ضاق صدري بالغموم
من يلوم اللي كسيرٍ ... غيّرت ... حاله ... سقوم
من يلوم اللي غريقٍ ... في ... بحوره ... مايعوم
هيه ... يادنيا العجايب ... كم ... تساقينا سموم
هيه ... يادنيا العجايب ... ليه ... حلاها ... مايدوم
طير طاير وش علامك ... في السما دايم تحوم
طير طاير مرحبا بك ... كنت جايب لي علوم
اعذروني ... يارفاقه ... عقب شديت الرحال
اعذروني ... لا ... تلوموا ... سال سيل العين سال
سالت العبرات مني ... وفي كنين الهم جال
انقضى صبري وعاثت ... بي هواجيس الخيال
ما على الدنيا حسوفة ... ياصناديد ... الرجال
ماعلى الدنيا حسوفة ... عقب ... ميدان القتال
سعد من نال الشهادة ... ومن نعيم الخلد نال
في جنان الخلد داره ... يكرمه ... رب ... الجلال
في جنان الخلد داره ... مع ... رقيقات ... الدلال
يهتني ... بالحور ... دايم ... يهتني باحلى وصال
لو ... تمنى ... ماتمنى ... من نعيم الخلد طال
سعد من نال الشهادة ... سعد من وفى ونال