عوّد علي السهر
أبو حازم خالد علي حاج رحمه الله
عوّد علي السهر عوّد على عيني ... من عقب شدوا عن اعيوني مطاياهم
وابليت ... بولوع ... قلبٍ ... مايمسّيني ... إلا ودمعي على الخدين ينعاهم
ياليل ياللي بطول الآه مضنيني ... حرام تزعج كنيني عقب مسراهم
حرام ... تنقض عهودٍ بينك وبيني ... حرام تلهب ضميري عند ذكراهم
من عاد لي بالفرح والبعد طاويني ... والشوق دايم يمني القلب لقياهم
ربعٍ ليا من عجاج الوقت يسفيني ... ألقى ربيع الهنا في شوف لاماهم
واليا استضاق الفضا وشحت سنيني ... يممت دربٍ يوردني على ماهم
أروي ضما خاطري من حر مافيني ... وألم شمل الخواطر في محياهم
يالله ... أنا ... طالبك ... يوم ... الموازين ... يوم احسنات الخلايق مع خطاياهم
تغفر لربعٍ على الاحسان والدينِ ... وتجعل لهم في جنان الخلد مآواهم
مع النبي المصطفى في دار علينِ ... ومع الصحاب الكرام اكرم عطاياهم
وعود علي السهر عود علي عيني ... من عقب شدوا عن اعيوني مطاياهم